Á embættisafgreiðslufundi skipulagsfulltrúa 19. janúar 2017 var lögð fram fyrirspurn Arkís arkitekta ehf. , mótt. 11. janúar 2017, varðandi breytingu á deiliskipulagi vegna lóðarinnar nr. 7-9 við Rafstöðvarveg sem felst í að breyta innbyrgðis línu milli byggingarreita B og C, þannig að byggingarreitur falli að núverandi byggðu húsnæði, og að breyta orðalagi um heimildir til uppbyggingar innan byggingarreits B, þannig að í stað heimildar um millipall verði heimild um milligólf, samkv. uppdr. Arkís arkitekta ehf. , dags. 27. október 2016. Einnig er lagt fram bréf Arkís arkitekta ehf. , dags. 11. janúar 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 27.janúar 2017.