Á embættisafgreiðslufundi skipulagsfulltrúa 1. nóvember 2019 var lögð fram umsókn Gríms Bjarnasonar mótt. 9. nóvember 2017 ásamt bréfi Réttar lögmannsstofu f.h. Gríms Bjarnasonar dags. 9. nóvember 2017 varðandi breytingu á skilmálum deiliskipulags reits 1.174.1 vegna lóðanna nr. 100B og 102 við Hverfisgötu. Í breytingunni felst að heimila rekstur gististaðar í flokki II í fasteignunum. Einnig er lögð fram umsögn skipulagsfulltrúa dags. 23. mars 2018. Jafnframt er lagður fram úrskurður úrskurðarnefndar umhverfis- og auðlindamála frá 19. júní 2019. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 29. nóvember 2019.