Að lokinni grenndarkynningu var lögð fram umsókn Valdimars Nielsen dags. 14. mars 2019 ásamt bréfi Mannvirkjameistarans ehf. dags. 15. apríl 2019 varðandi breytingu á deiliskipulagi Breiðholts I vegna lóðarinnar nr. 1-7 við Skriðustekk. Í breytingunni felst að gerður verður nýr byggingarreitur fyrir viðbyggingu við suðurhlið húss nr. 5 við Skriðustekk. Auk þess verður byggingarreitur fyrir bílgeymslu stækkaður og færður til á lóðinni, samkvæmt uppdr. Mannvirkjameistarans ehf. dags. 10. apríl 2019. Tillagan var grenndarkynnt frá 16. maí 2019 til og með 13. júní 2019. Engar athugasemdir bárust.