Á fundi skipulagsfulltrúa 20. nóvember 2015 var lögð fram umsókn Kristins Ragnarssonar, mótt. 2. nóvember 2015, varðandi breytingu á deiliskipulagi Úlfarsárdals vegna lóðarinnar nr. 2 við Sjafnarbrunn. Í breytingunni felst fjölgun íbúða úr 8 í 9, fækka bogadregnum hluta þakflatar og færa innkeyrslu í bílageymslu frá Sjafnarbrunni til Nönnubrunnar, samkvæmt uppdr. Kristins Ragnarssonar arkitekts ehf. dags. 5. janúar 2016. Einnig er lagt fram bréf Kristins Ragnarssonar ark., ódags. Erindinu var vísað til meðferðar hjá verkefnisstjóra og er nú lagt fram að nýju.