Að lokinni auglýsingu er lögð fram að nýju umsókn Hákonar Arnar Arnþórssonar dags. 20. mars 2018 varðandi breytingu á deiliskipulagi Háskólans í Reykjavík. Í breytingunni felst fjölgun íbúða úr 390 í allt að 415, hækkun hæða randbyggðar til vesturs og suðurs um eina hæð að hluta, breytingu á byggingareit randbyggðar til norðurs á reit B til samræmis við reiti A og C, breytingu á byggingareit reitar D, niðurfellingu leikskóla af reit D ásamt breytingu á bílastæðakröfu í samræmi við viðmið aðalskipulags um bílastæði fyrir námsmannaíbúðir og niðurfellingu bílakjallara sem og ákvæða um leiðbeinandi legu sorpgáma., samkvæmt uppdr. Kanon arkitekta ehf. dags. 20. mars 2018. Einnig er lögð fram greinargerð og skilmálar Kanon arkitekta ehf. dags. í mars 2018, minnisblað Kanon arkitekta ehf. dags. 16. mars 2018 og minnisblað EFLU um hljóðvist dags. 20. mars 2018. Tillagan var auglýst frá 7. maí 2018 til og með 19. júní 2018. Engar athugasemdir bárust.