Á fundi skipulagsfulltrúa 26. ágúst 2016 var lagt fram bréf frá afgreiðslufundi byggingarfulltrúa frá 23. ágúst 2016 þar sem sótt er um leyfi til að flytja friðað einbýlishús frá 1904, sem nú stendur á lóð nr. 9 á Vegamótastíg, á steyptan sökkul, innrétta tvær íbúðir, breyta gluggum, byggja á það tvennar svalir og fjóra kvisti, á lóð nr. 54B við Grettisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 7. september 2016.
Útskrift úr gerðabók embættisafgreiðslufundar skipulagsfulltrúa frá 5. febrúar 2016 fylgir erindinu ásamt umsögn skipulagsfulltrúa dags. 1. febrúar 2016 og umsögn Minjastofnunar Íslands dags. 10. ágúst 2016.. Einnig lögp fram umsögn skipulagsfulltrúa dags. 7. september 2016. Stækkun: 87,3 ferm. Stærð A-rými: 154,4 ferm., 443,9 rúmm. B-rými: 2,9 ferm. Samtals eftir stækkun: 157,3 ferm. Gjald kr. 10.100