Á fundi skipulagsfulltrúa 29. apríl 2015 var lögð fram fyrirspurn Orra Árnasonar ark. dags. 22. apríl 2015 um að breyta verslunarrými í húsinu á lóðinni nr. 21A við Skólavörðustíg í veitingastað í flokki II með stoðrými í kjallara hússins og veitingastað á annarri hæð ásamt breytingu á efri hæðum hússins úr íbúðum í gististað í flokki II. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 8. maí 2015.