Að lokinni grenndarkynningu er lögð fram að nýju umsókn Helga Hafliðasonar f.h. Lambhagavegar 23 ehf. dags. 25. apríl 2018 varðandi breytingu á deiliskipulagi Lambhagalands með síðari breytingum vegna lóðarinnar nr. 23 við Lambhagaveg. Í breytingunni felst að óbyggð íbúðarhúsalóð er tekin undir starfsmannaíbúðir og fallið frá heimild fyrir starfsmannaíbúðum við núverandi íbúðarhús (sambyggðum við bílageymslu). Jafnframt er byggingarmagn íbúðarhúsnæðis aukið um 50 fm. en byggingarmagn atvinnuhúsnæðis (gróðurhúsa) minnkað að sama skapi, samkvæmt uppdr. Helga Hafliðasonar arkitekts dags. 24. apríl 2018. Erindi var grenndarkynnt frá 23. maí 2018 til og með 20. júní 2018. Engar athugasemdir bárust.