Á embættisafgreiðslufundi skipulagsfulltrúa 25. ágúst 2017 var lögð fram umsókn Kjartans Hafsteins Rafnssonar, mótt. 28. júlí 2017, varðandi breytingu á deiliskipulagi Smáragötureita vegna lóðar nr. 68 við Laufásveg. Í breytingunni felst að byggingarreitur á suðurhlið byggingar þ.e. bakhlið er stækkaður úr 3 m. í 7 m. og heimilt verði að halda áður gerðum svölum og geymslu sem byggt var 2006. Einnig er óskað eftir samþykki á hæðarlegu á áður gerðum neðri palli, samkvæmt. uppdrætti KJ hönnunar, dags. 24. júlí 2017. Erindinu var vísað til meðferðar hjá verkefnisstjóra og er nú lagt fram að nýju.