Á fundi skipulagsfulltrúa 30. október 2015 var lögð fram fyrirspurn Skipulags-, arkitekta- og verkfræðistofunnar ehf. mótt. 12. október 2015, um að hækka þök húsanna á lóð nr. 6 við Bjargarstíg, stækka útbyggingu til suðurs og auka lofthæð og stækka glugga 1. hæðar hlaðna hússins á lóðinni, samkvæmt uppdr. Skipulags-, arkitekta- og verkfræðistofnunnar ehf., dags. 9. október 2015. Einnig er lögð fram umsögn Minjastofnunar, dags. 16. nóvember 2015. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 20. nóvember 2015.