Á embættisafgreiðslufundi skipulagsfulltrúa 6. janúar 2017 var lögð fram fyrirspurn Björns Stefáns Hallssonar, mótt. 29. desember 2016, varðandi breytingu á deiliskipulagi vegna lóðarinnar nr. 105 við Laugaveg. Í breytingunni felst að byggja við húsið, samkvæmt uppdr. Björns Stefáns Hallssonar arkitekts og Ólafar Guðnýjar Valdimarsdóttur arkitekts, dags. 28. desember 2016. Einnig er lagt fram bréf Björns Stefáns Hallssonar arkitekts f.h. Hótel Hlemmur Square LV-105, dags. 28. desember 2016 og tölvupóstur umsækjanda dags. 6. janúar 2017 þar sem staðfest er að um fyrirspurn sé að ræða. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 27. janúar 2017.