Á embættisafgreiðslufundi skipulagsfulltrúa 21. júlí 2021 var lögð fram fyrirspurn Hugrúnar Þorsteinsdóttur dags. 25. maí 2021 um stækkun hússins á lóð nr. 73 við Laufásveg sem felst í því að gera viðbyggingu á suðvesturhluta lóðar. Einnig er óskað eftir að reisa pergólu á lóðinni, gróðurhús, áhaldaskúr og skjólgirðingu, samkvæmt uppdr. M11 Teiknistofu dags. 25. maí 2021. Fyrirspurninni var frestað, fyrirspyrjandi hafi samband við embætti skipulagsfulltrúa, og er nú lögð fram að nýju. Einnig er lagður fram lagfærður uppdr./fyrirspurnartillaga dags. 17. ágúst 2021 og umsögn skipulagsfulltrúa dags. 20. ágúst 2021.