Fjölbýlishús. Framkvæmdaraðili Þrastarverk ehf. Skipulagi breytt 21.12.2005 og húsið hækkað um eina hæð. Byggingarleyfi samþykkt 31.08.2005. Borist hefur tölvupóstur frá stjórn húsfélagsins varðandi galla í húsinu og óskað er eftir að lokaúttekt fari fram. Skipulags- og byggingarfulltrúi beindi því 28.01.2009 til byggingarstjóra hússins að gera grein fyrir og bæta úr þeim göllum sem taldir eru upp innan fjögurra vikna. Enn fremur var honum bent á að sækja um lokaúttekt í samræmi við grein 53.1 í byggingarreglugerð. Svar hefur ekki borist. Erindið var til umfjöllunar á afgreiðslufundi skipulags- og byggingarfulltrúa 25.03.2008, sem vísaði því til skipulags- og byggingarráðs með eftirfarandi tillögu: "Skipulags- og byggingarráð beinir því til byggingarstjóra Kirkjuvalla 5 að gera grein fyrir og bæta úr þeim göllum sem taldir eru upp í bréfi húsfélagsins innan fjögurra vikna. Enn fremur er honum bent á að sækja um lokaúttekt í samræmi við grein 53.1. Verði ekki brugðist við því mun skipulags- og byggingarráð leggja til við bæjarstjórn að beitt verði úrræðum í samræmi við VI. kafla skipulags- og byggingarlaga nr. 73/1997."