Afgreiðslufundur skipulags- og byggingarfulltrúa samþykkti á fundi sínum þann 14.02.2018 að grenndarkynna breytingu/hækkun á húsinu að Vitastíg 5 skv. 2.mgr. samþykktar um embættisafgreiðslur skipulags- og byggingarfulltrúa Hafnarfjarðar. Tillagan var grenndarkynnt frá 11.04. 2018 til 09.05. 2018 með framlengingu á athugasemdfresti til 25.05. 2018. Athugasemdir bárust frá fjórum aðilum í nærliggjandi húsum við Áfaskeið 30 og 32. Með vísan til 4. gr um embættisafgreiðslur skipulags- og byggingarfulltrúa Hafnarfjarðar vísar skipulagsfulltrúi erindinu til meðferðar skipulags- og byggingarráðs. Lögð er fram umsögn skipulagsfulltrúa dags.18.06.2018. Með vísan til umsagnar er lagt til að erindið verði samþykkt og því lokið með vísan til 3. mgr. 41. gr. skipulagslaga nr. 123/2010.