Byggingarleyfi var samþykkt 09.01.14 en ekki er enn skráður byggingarstjóri á verkið, og engar sérteikningar hafa borist. Engar úttektir hafa heldur farið fram. Samkvæmt 35. grein laga um mannvirki nr. 160/2010 er búseta því ekki heimil í húsinu. Skipulags- og byggingarfulltrúi gerði 19.03.14 eiganda skylt að skrá nú þegar byggingarstjóra á húsið og boða til öryggisúttektar í samræmi við lög um mannvirki nr. 160/2010. Að öðrum kosti mundi skipulags- og byggingarfulltrúi beita ákvæðum sömu laga til að knýja fram úrbætur.