3.liður úr fundargerð SBH frá 3.maí sl. Deiliskipulagið Miðbær Hraun vestur tekið fyrir að nýju með hliðsjón af athugasemdum Skipulagsstofnunar við greinargerð með skipulaginu dags. 18. september 2015.
"Bæjarstjórn Hafnarfjarðar breytti á fundi sínum 27.05.2015 markmiði um að ekki verði heimilt að fjölga íbúðum í þegar byggðum húsum á deiliskipulagssvæðinu þannig að „heimilt verður að fjölga íbúðum í þegar byggðum húsum svo framarlega sem þær uppfylli allar kröfur um íbúðir samkvæmt kafla 6.7 í byggingarreglugerð nr. 112/2012. Þar sem sýnt er að ekki sé hægt að uppfylla bílastæðakröfur innan lóðar er heimilt að uppfylla þær á almennum bílastæðum gegn greiðslu sérstaks gjalds. Ekki verða sérmerkt stæði á bæjarlandi í þeim tilgangi.“
Skipulags- og byggingarráð leggur til við bæjarstjórn: Bæjarstjórn Hafnarfjarðr samþykkir að síðasta málsgreinin í ofangreindum texta í skipulagsskilmálum fyrir deilskipulag Miðbær Hraun vestur: " Þar sem sýnt er að ekki sé hægt að uppfylla bílastæðakröfur innan lóðar er heimilt að uppfylla þær á almennum bílastæðum gegn greiðslu sérstaks gjalds. Ekki verða sérmerkt stæði á bæjarlandi í þeim tilgangi.? falli brott.
Skipulags- og byggingarráð vísar jafnframt til þeirrar vinnu sem í gangi er við gerð reglna um bílastæði og bílastæðasjóð í Hafnarfirði.