Komið hefur í ljós að byggð hefur verið hleðsla á vegg á lóðarmörkum við hús nr 35 við Fléttuvelli. Veggurinn er ekki sýndur á samþykktum teikningum og er mun stærri en ákvæði í byggingarreglugerð segja til um. Í greinagerð deiliskipulags Valla 4 kemur fram að leyfilegt sé að reisa girðingu allt að 180 cm háa innan lóðarmarka í minnst 180 cm frá lóðarmörkum. Um girðingar gilda að öðru leyti fyrirmæli byggingarreglugerðar 67.gr. 3 kafla. Skipulags- og byggingarfulltrúi gerði 17.10.12 kröfu um að veggurinn yrði fjarlægður. Ekki var brugðist við því, og ítrekaði skipulags- og byggingarfulltrúi þann 27.02.13 fyrirmæli um að fjarlægja vegginn. Yrði ekki brugðist við því innan fjögurra vikna myndi skipulags- og byggingarfulltrúi beita úrræðum laga um mannvirki nr. 160/2010 til að knýja fram úrbætur. Ekki hefur enn verið brugðist við erindinu.