Húsið er skráð á byggingarstigi 3, þrátt fyrir að hafa verið tekið í notkun, þ.e. ekki skráð fokhelt. Um er að ræða brot á lögum um mannvirki nr. 160/2010. Íbúðir hafa verið innréttaðar í húsinu, sem ekki er leyfi fyrir. 15.02.12 var samþykkt að skipta eign 0202 í tvo hluta, en eignaskiptasamningur hefur ekki verið lagður inn, þannig að það leyfi er fallið úr gildi. Lokaúttekt fór fram 23.05.12, en lauk ekki þar sem athugasemdir voru gerðar, m.a. að verið væri að innrétta íbúð í húsinu, sem ekki er leyfilegt. Skipulags- og byggingarfulltrúi gerði byggingarstjóra skylt að sækja um endurtekna lokaúttekt innan 4 vikna. Yrði ekki brugðist við því mundi skipulags- og byggingarfulltrúi leggja dagsektir á byggingarstjóra og eigendur í samræmi við 56. grein laga um mannvirki nr. 160/2010. Bent er á ábyrgð eigenda skv. sömu lögum. Komið hefur í ljós að ósamþykktar íbúðir hafa verið auglýstar til sölu í húsinu, sem er í ósamræmi við aðalskipulag. Skipulags- og byggingarfulltrúi ítrekaði 30.08.13 fyrirmæli sín um lokaúttekt sem skyldi fara fram þá þegar. Yrði ekki brugðist við erindinu innan einnar viku mundi skipulags- og byggingarfulltrúi leggja dagsektir á eigendur og byggingarstjóra án frekari fyrirvara. Byggingarstjóri hefur sagt sig af verki, þar sem innréttingu hússins var breytt án hans vitundar.