Álfhella 13 sem er á iðnaðarsvæði er skráð á bst/mst 4, en búið er að taka húsið í notkun og vantar lokaúttekt. Skipulags- og byggingarfulltrúi gerði 24.11.10 byggingarstjóra skylt að sækja um lokaúttekt innan þriggja vikna í samræmi við grein 53.1 í byggingarreglugerð. Yrði ekki brugðist við því mundi skipulags- og byggingarfulltrúi vísa erindinu til skipulags- og byggingarráðs með tillögu um dagsektir í samræmi við 57. grein skipulags- og byggingarlaga nr. 73/1997. Ekki hefur verið brugðist við erindinu. Borist hafa upplýsingar frá einum eiganda hússins um að Frjálsi Fjárfestingarbankinn vilji ekki sinna erindinu. Lokaúttekt var boðuð 30.03.11 en tókst ekki þar sem nauðsynleg gögn höfðu ekki borist.