Á Rauðhellu 9 eru skráðar 7 eignir sem eru allar skráðar í bst 4 mst. 8, en allar teknar í notkun. Skipulags- og byggingarfulltrúi boðaði til lokaúttektar 27.03.2012 í samræmi við 36. grein mannvirkjalaga nr. 160/2010. Byggingarstjóra var skylt að gera þær ráðstafanir sem lögin kveða á um. Sinnti hann ekki erindinu mundi skipulags- og byggingarfulltrúi beita ákvæði 56. og 57. greina sömu laga um dagsektir og áminningu. Engin viðbrögð voru við erindinu. Skipulags- og byggingarfulltrúi lagði 09.05.12 dagsektir kr. 20.000 á dag á byggingarstjóra Guðmund Ragnar Guðmundsson frá og með 1. júlí 2012 í samræmi við 56. grein laga um mannvirki nr. 160/2010 hafi hann ekki sótt um lokaúttekt fyrir þann tíma. Jafnfram yrði sent erindi til Mannvirkjastofnunar um að veita byggingarstjóranum áminningu í samræmi við 57. grein laga um mannvirki. Fram hefur komið að byggingarstjóri hafi sagt sig af verkinu 11.04.12, en engin stöðuúttekt farið fram í samræmi við 30. grein mannvirkjalaga nr. 160/2010. Skipulags- og byggingarfulltrúi boðaði til stöðuúttektar 25.06.12 kl. 13:15. Byggingarstjóra var gert skylt að mæta á staðinn og gera viðeigandi ráðstafanir í samræmi við 30. grein mannvirkjalaga nr. 160/2010. Ekki var brugðist við erindinu. Skipulags- og byggingarfulltrúi lagði dagsektir á byggingarstjóra kr. 20.000 á dag frá og með 01.12.12 og jafnframt tillögu um áminningu á byggingarstjóra verði ekki brugðist við erindinu fyrir þann tíma. Byggingarstjóri sagði sig einhliða af verki 11.04.12, en lögboðin stöðuúttekt fór ekki fram.