Eigandi íbúðar nr. 0105 gerir athugasemd við að flóttaleið vanti og óskar eftir að arkitekt og byggingaraðila verði gert að koma með tillögur til úrlausnar. Umsögn Brunamálastofnunar liggur fyrir. Teikningar að húsinu voru samþykktar af byggingarfulltrúa 14.02.2006 og höfðu þá stimpil Slökkviliðs höfuðborgarsvæðisins. Skipulags- og byggingarfulltrúi beindi því 01.09.10 til arkitekts og byggingaraðila hússins að gera tillögur til lausnar á málinu innan fjögurra vikna. Tillögur bárust og skipulags- og byggingarfulltrúi gerði 25.01.11 ÞG-verktökum skylt að sækja um byggingaleyfi fyrir breytingunni og skila gögnum í samræmi við grein 12.2 í byggingarreglugerð. Áður lagt fram bréf ÞG-verktaka dags. 30.01.11. Áður lagt fram álit lögmanns skipulags- og byggingarsviðs og greinargerð skoðunarmanns skipulags- og byggingarsviðs. Skipulags- og byggingarfulltrúi taldi skylt að gera flóttaleið úr svefnherbergi fremur en stofu, en skv. áliti Mannvirkjastofnunar kveður reglugerð ekki á um það. Skipulags- og byggingarfulltrúi ítrekaði 25.05.11 fyrirmæli til hönnuðar og byggingarstjóra um gerð flóttaleiðar. Fullnægjandi uppdráttur sem sýnir lausn málsins hefur ekki borist. Í tölvupósti arkitekts hússins er óundirritað pdf-skjal sem uppfyllir ekki ákvæði reglugerðar um gerð uppdrátta. Þar kemur fram að arkitekt telji ekki aðra lausn á málinu.