Við skoðun kom í ljós að mikið var um gáma við Suðurhelluna. Sérstaklega Suðurhellu 8 þar reyndust vera 34 gámar. Skipulags- og byggingarfulltrúi gerði 11.11.2009 lóðarhafa skylt að fjarlægja gámana af lóðinni innan fjögurra vikna. Yrði ekki brugðist við því innan þess tíma mundi skipulags- og byggingarfulltrúi gera tillögu til skipulags- og byggingarráðs um beitingu dagsekta í samræmi við 57. grein skipulags- og byggingarlaga nr. 73/1997. Erindið var til umfjöllunar á afgreiðslufundi skipulags- og byggingarfulltrúa 20.01.2010, sem vísaði því til skipulags- og byggingarráðs með eftirfarandi tillögu: "Skipulags- og byggingarráð gerir lóðarhafa skylt að fjarlægja gámana af lóðinni innan fjögurra vikna. Verði ekki brugðist við því innan þess tíma mun skipulags- og byggingarráð gera tillögu til bæjarstjórnar um beitingu dagsekta í samræmi við 57. gr. skipulags- og byggingarlaga nr. 73/1997."