Bókanir og gagnbókanir

• Flokkur fólksins
  Skipulagsyfirvöld óska heimildar til að ljúka undirbúningi breytinga á gatnamótum Hringbrautar og Hofsvallagötu. Flokkur fólksins fagnar að endurnýja á umferðarljósabúnað enda þarna búið að vera ófremdarástand. Það er almennt erfitt að koma akandi Hringbraut og beygja til suður á Hofsvallagötu og spurning hvort að það verði nokkurn tíma gott eftir allt rask sem orðið hefur á gatnakerfinu. Umferðaröryggi gangandi og hjólandi er einnig slæmt vegna þrengsla. Of lítið bil er milli bíla, hjólandi og gangandi. Hofsvallagata rúmar þetta illa. Það á þátt í að bílar sitja fastir á þessum gatnamótum, margir á leið sinni vestur í bæ og út á Seltjarnarnes. Vandinn væri ekki svo mikill ef þetta væri ekki önnur helsta leið út á Seltjarnarnes. Fyrir þá sem búa fyrir vestan þessi gatnamót hlýtur þetta að fara að hafa áhrif t.d. á sölumöguleika húseigna þar.
• Samfylkingin, Viðreisn, Píratar
  Fyrirhuguð breyting á gatnamótum Hringbrautar og Hofsvallagötu er löngu tímabær. Hún mun auka öryggi gangandi og hjólandi vegfarenda. Það er fagnaðarefni.