Að lokinni grenndarkynningu er lögð fram að nýju umsókn Hermanns Georgs Gunnlaugssonar dags. 16. apríl 2021 ásamt bréfi dags. 16. apríl 2021 varðandi breytingu á deiliskipulagi Gylfaflatar suður, með síðari breytingum, vegna lóðarinnar nr. 19 við Bæjarflöt. Í breytingunni felst breyting á byggingarreitum lóðarinnar þannig að allir þrír byggingarreitirnir verða jafnstórir, samkvæmt uppdr. Teiknistofunnar Storðar ehf. dags. 16. apríl 2021. Tillagan var grenndarkynnt frá 7. júní 2021 til og með 6. júlí 2021. Engar athugasemdir bárust.