Á embættisafgreiðslufundi skipulagsfulltrúa 22. janúar 2021 var lögð fram fyrirspurn Teiknistofunnar Óðinstorgi HH ehf. dags. 14. janúar 2020 um stækkun hússins á lóð nr. 16 við Vitastíg sem felst í byggingu bíslags við gafl hússins, samkvæmt uppdr. Teiknistofunnar Óðinstorgi HH ehf. dags. 7. apríl 2020 síðast br. 14. janúar 2021. Einnig er lögð fram umsögn Minjastofnunar Íslands dags. 9. desember 2020. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. febrúar 2021.