Á embættisafgreiðslufundi skipulagsfulltrúa 14. ágúst 2020 var lögð fram umsókn Vegagerðarinnar dags. 10. júlí 2020 um framkvæmdaleyfi vegna breikkunar á 4,1 km löngum kafla Hringvegar frá Varmhólum að Vallá. Breikka á núverandi tveggja akreina veg í 2+1 veg með aðskildum akbrautum. Í verkinu er hringtorg, tvenn undirgöng úr stálplötum, áningastaður, hliðarvegir og stígar. Einnig er lagt fram teikningasett Verkís dags. í júní 2020, útboðs- og verklýsing Verkís dags. í júlí 2020 og álit Skipulagsstofnunar dags. 23. júní 2020 um mat á umhverfisáhrifum. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. ágúst 2020.