Þéttingarsvæði, deiliskipulag
Síðast Samþykkt á fundi fyrir 1 ári síðan.
Bæjarstjórn nr. 1820
6. febrúar, 2019
Annað
Fyrirspurn
4.liður úr fundargerð skipulags- og byggingaráðs frá 29.janúar sl. Skipulagsfulltrúa var falið á fundi skipulags- og byggingarráðs þann 9.1.2018 að hefja vinnu við skipulagslýsingar er taka til breytinga á Aðalskipulagi Hafnarfjarðar 2013-2025 og þeirra svæða sem koma til greina eins og þau eru kynnt í minnisblaði 3 dags. 20.9.2018. Lögð fram drög að skipulagslýsingu dags. jan. 2019.
Skipulags- og byggingarráð samþykkir fyrir sitt leyti framlagða lýsingu á þettingarsvæðum dags. jan. 2019 og að málsmeðferð verði í samræmi við 30. gr. skipulagslaga nr. 123/2010. Jafnframt leggur skipulags- og byggingarráð til við bæjarstjórn að hún samþykki framangreinda skipulagslýsingu vegna breytingu á aðalskipulagi Hafnarfjarðar 2013-2015.
Svar

Til máls tekur Ólafur Ingi Tómasson. Einnig tekur til máls Adda María Jóhannsdóttir. Því næst Sigurður Þ. Ragnarsson. Til andsvars kemur Ólafur Ingi Tómasson. Til máls tekur öðru sinni Adda María Jóhannsdóttir. Til andsvars öðru sinni kemur Ólafur Ingi Tómasson. Adda María Jóhannsdóttir svarar andsvari. Rósa Guðbjartsdóttir kemur að andsvari. Adda María Jóhannsdóttir svarar andsvari. Kristín Thoroddsen kemur að andsvari. Adda María Jóhannsdóttir svarar andsvari.

Jón Ingi Hákonarson tekur til máls. Til andsvars kemur Ágúst Bjarni Garðarsson. Ólafur Ingi Tómasson kemur að andsvari.

Til máls tekur Helga Ingólfsdóttir. Til andsvars kemur Friðþjófur Helgi Karlsson. Einnig kemur Adda María Jóhannsdóttir að andsvari. Helga Ingólfsdóttir svarar andsvari. Adda María Jóhannsdóttir kemur að andsvari öðru sinni. Helga Ingólfsdóttir svarar andsvari í annað sinn. Adda María Jóhannsdóttir kemur að stuttri athugasemd.

Til máls tekur Kristín Thoroddsen. Adda María Jóhannsdóttir kemur að andsvari.

Til máls tekur Jón Ingi Hákonarson. Ágúst Bjarni Garðarsson kemur að andsvari.

Bæjarstjórn samþykkir með 9 greiddum atkvæðum fyrirliggjandi skipulagslýsingu vegna breytinga á aðalskipulagi Hafnarfjarðar 2013-2025.
Adda María Jóhannsdóttir greiddi atkvæði á móti og gerði grein fyrir atkvæði sínu. Friðþjófur Helgi Karlsson sat hjá og gerði grein fyrir hjásetu sinni.

Forseti ber upp svohljóðandi tillögu að bókun:
Bæjarstjórn leggur áherslu á að við gerð nýs skipulags á Óla Run túni verði gert ráð fyrir rúmgóðu, skipulögðu útivistarsvæði á túninu sem nýst getur nágrönnum og bæjarbúum öllum betur en nú er og að aðgengi að svæðinu verði bætt. Mikilvægt er að möguleg byggð á túninu og stækkun við leikskóla verði vel kynnt á undirbúningsstigi og aðkoma bæjarbúa tryggð í samráðsferli líkt og á öðrum þéttingarreitum sem hér voru til umfjöllunar.

Allir bæjarfulltrúar, fyrir utan Öddu Maríu Jóhannsdóttur sem sat hjá, samþykkja framlagða bókun.

Adda María Jóhannsdóttir og Friðþjófur Helgi Karksson leggja fram svohljóðandi bókun:
Á undanförnum misserum hefur ítrekað verið rætt um leikskólamál í skólahverfi Öldutúnsskóla. Fulltrúar Samfylkingarinnar hafa lagt fram fjölmargar tillögur varðandi uppbyggingu leikskóla í hverfinu sem öllum hefur verið hafnað. Nú þegar til stendur að samþykkja skipulagslýsingu um þéttingu byggðar á tveimur reitum í þessu hverfi, sem bætast þá við uppbyggingaráform á tveimur öðrum reitum í sama hverfi er komið að því að fulltrúar meirihlutans horfist í augu við þá staðreynd að börnum í þessu hverfi mun fjölga. Í dag vantar leikskólapláss fyrir rúmlega 100 börn í hverfinu og sú tala mun hækka með fyrirhugaðri uppbyggingu og þéttingu byggðar. Það er því afar brýnt að horfa til framtíðar og huga að uppbyggingu leikskóla í hverfinu. Enginn vilji hefur komið fram til þess heldur staðfest að engin áform eru um uppbyggingu á leikskóla í þessu hverfi.

Adda María Jóhannsdóttir
Friðþjófur Helgi Karlsson