Komið hefur í ljós að vafasamt er að uppdrættir þeir sem sendir voru í grenndarkynningu fyrir viðbyggingu við Selvogsgötu 1 uppfylli ákvæði gr. 18.3 í byggingarreglugerð nr. 441/1998 m. s.br. Óvíst er því hvort útsend gögn hafi uppfyllt kröfur sem gera verður til hönnunargagna, þannig að nágrannar gætu gert sér grein fyrir áhrifum breytinganna á hús sitt. Skipulags- og byggingarráð felur skipulags- og byggingarsviði að leita álits Skipulagsstofnunar um það í samræmi við 4. grein skipulags- og byggingarlaga nr. 73/1997 m.s.br., og biðja um flýtimeðferð á málinu. Skipulags- og byggingarráð gerir eiganda Selvogsgötu 1 skylt að stöðva tímabundið framkvæmdir við vegginn að Brekkugötu 26 þar til álit Skipulagsstofnunar liggur fyrir. Eigandi framkvæmda getur komið að athugasemdum hjá Skipulagsstofnun og/eða Skipulags- og byggingarsviði vegna þessarar ákvörðunar.