Skipulags- og byggingarnefnd fer yfir athugasemdir Skipulagsstofnunar. Athugasemdir snúa m.a. að samræmi við aðalskipulag, viðbrögð við umsögnum umsagnaraðila og samræmi við aðliggjandi deiliskipulagstillögu fyrir Austurveg 65. Brugðist hefur verið við athugasemdum Skipulagsstofnunar og yfirlit yfir þær og viðbrögð eru sett fram í skjalinu "Viðbrögð við athugasemdum Skipulagsstofnunar" dags. 19. október 2021.
Skipulags- og byggingarnefnd leggur til við bæjarstjórn að leiðrétt tillaga ásamt fylgiskjölum verði samþykkt og send Skipulagsstofnun til yfirferðar að nýju í samræmi við 41. gr. skipulagslaga nr. 123/2010.