Lögð fram tillaga Spital, dags. 10. apríl 2025, að breytingu á skilmálum deiliskipulags Nýs Landsspítala við Hringbraut fyrir Rannsóknarhús, byggingu nr. 22, er varðar hámarksstærð. Í breytingunni sem lögð er til felst að tölulegum stærðum í skilmálatexta varðandi byggingarmagn er aukið sem nemur 1.000m2. Ástæða breytinganna er að loka á utandyra afgangsrýmum fimmtu hæðar, sem eru á milli tæknirýma, með því að loka þakopum og nýta undir skrifstofurými eftir því sem umfang rannsókna eykst og rannsóknarrými á neðri hæðum stækka. Umfang og útlit Rannsóknarhússins, þ.e. hæðir og breiddir, mun haldast óbreytt og innan marka sem byggingareitur, hæða- og þakkótar segja til um. Heildarstærð Rannsóknarhússins verður 19.800m2. Einnig er lögð fram greinargerð/kynning Nýs Landspítala, dags. 10. apríl 2025.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar. Samþykkt að falla frá kynningu þar sem breyting á deiliskipulagi varðar ekki hagsmuni annarra en umsækjanda (og borgarinnar), sbr. 3. mgr. 44. gr. skipulagslaga nr. 123/2010.
Vakin er athygli á að greiða þarf fyrir óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. gr. 8.2. í gjaldskrá skipulagsfulltrúa nr.1381/2024, áður en breytingin er auglýst í B-deild Stjórnartíðinda.