Lögð fram umsókn Freys Frostasonar, dags. 19. mars 2025, um breytingu á deiliskipulagi Kvosarinnar vegna lóðarinnar nr. 7 við Aðalstræti. Í breytingunni sem lögð er til felst að heimilt verði að gera þrjá kvisti á þak til norðurs og skal samanlögð heildarbreidd þeirra ekki vera meiri en 390 cm. Einnig er lögð fram umsögn Minjastofnunar Íslands, dags. 19. mars 2025.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar. Samþykkt að falla frá kynningu þar sem breyting á deiliskipulagi varðar ekki hagsmuni annarra en umsækjanda (og borgarinnar), sbr. 3. mgr. 44. gr. skipulagslaga nr. 123/2010.
Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1381/2024, áður en breytingin er auglýst í B- deild Stjórnartíðinda.