Lögð fram umsókn Sólveigar Helgu Jóhannsdóttur, dags. 24. maí 2024, um breytingu á skilmálum deiliskipulags Elliðavogs/Ártúnshöfða, svæðis 1, vegna reits 3. Í breytingunni sem lögð er til felst að heimilt verði að nýta rými í kjallara sem atvinnuhúsnæði, samkvæmt tillögu umhverfis- og skipulagssviðs, dags. 30. maí 2024.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr. a.liður 2. gr. í viðauka 2.3 um embættisafgreiðslur skipulagsfulltrúa. Samþykkt að falla frá kynningu þar sem breyting á deiliskipulagi varðar ekki hagsmuni annarra en umsækjanda með vísan til 2. ml. 3. mgr. 44. gr. skipulagslaga nr. 123/2010.
Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1276/2023, áður en breytingin er auglýst í B- deild Stjórnartíðinda.