Lögð fram og kynnt ársskýrsla Byggingarfulltrúans í Reykjavík fyrir árið 2024. Fulltrúar Sjálfstæðisflokksins leggja fram svohljóðandi bókun: Í ársskýrslu byggingarfulltrúans í Reykjavík kemur fram að 989 íbúðir hafi verið fullgerðar í borginni á árinu 2024. Áætlað er að lokið verði við um 1.000 íbúðir á árinu 2025. Ljóst er að spurn eftir byggingarhæfum lóðum er langt umfram framboð og er æskilegt að ráðist verði í kröftugt átak í því skyni að leysa hinn mikla húsnæðisvanda, sem er við að etja í borginni. Athyglisvert er að 99% samþykktra byggingaráforma fyrir nýjar íbúðir eru í fjölbýlishúsum. Svo hátt hlutfall einnar byggingargerðar er óæskilegt af mörgum ástæðum. Ná þarf fram meiri blöndun búsetakosta í borginni og verður það best gert með því að fjölga lóðum fyrir sérbýli, þ.e. raðhús og einbýlishús.