Þingvangur ehf. óskar eftir takmörkuðu byggingarleyfi fyrir jarðvinnu á lóðinni nr. 4 við Smiðjustíg. sbr. erindi BN046564.
Um er að ræða svæðið þar sem svo kallaður Hjartagarður er í dag og mun verða hluti af lóð nr 4 við Smiðjustíg þegar nýtt mæliblað hefur verið samþykkt. Ósk Þingvangs er að fá leyfi til að kanna jarðlög og útbúa malar púða sem athafnasvæði fyrir fyrirhugaðar framkvæmdir á reitnum. Með þessu leyfi þá getum við undirbúið okkur og nágranna ef mikið verður um fleigun eða sprengingar ef/þegar endanlegt framkvæmdarleyfi verður veitt. Einnig erum við að lágmarka umferð og athafnir tækja við Hverfisgötu þar sem við þurfum að þvera gangbraut sem er við innkeyrslu inn á svæðið. Ekki verður unnið við aðra verkþætti en hér eru nefndir.