Borist hefur erindi frá Heilbrigðiseftirliti Hafnarfjarðar- og Kópavogssvæðis dags. 03.09.10, þar sem óskað er eftir umsögn um það hvort áform Daníelsslipps ehf um að opna hreinsunar- og málningarslipp á stað gamla Drafnarslippsins séu í samræmi við samþykkta notkun húsnæðisins. Fram kemur að ráðast eigi í að laga húsnæði og aðstöðu til upptöku skipa, ásamt því að laga ásýnd svæðisins. Vísað er til bréfs Gunnars Stefáns Richters f.h. Daníelsslipps dags. 24.08.10. Erindið var til umfjöllunar á afgreiðslufundi skipulags- og byggingarfulltrúa 15.09.2010, sem vísaði því til skipulags- og byggingarráðs. Í aðalskipulagi Hafnarfjarðar 2005 - 2025 er svæðið skilgreint fyrir blöndu af íbúðum og verslun og þjónustu. Í greinargerð skipulagsins segir: "Á svæðinu er ýmis eldri starfsemi sem þarf að víkja, svo sem slippurinn, dráttarbrautin og gamla Íshúsið."