Lagt er til við bæjarráð Árborgar að sameina starfshópa sem koma að einstaka málefnum leik- og grunnskóla í sveitarfélaginu undir einum hópi "Starfshópur um framtíðaruppbyggingu leik- og grunnskóla í Árborg". Með þessu verða eftirfarandi starfshópar sameinaðir: Nefnd vegna uppbyggingar á framtíðarskólahúsnæði á Eyrarbakka. Starfshópur um frekari uppbyggingu grunnskóla á Selfossi. Faghópur um leikskólamál.
Starfandi eru í dag, þrír starfshópar um mismunandi málefni sem tengjast framtíðaruppbyggingu leik- og grunnskóla í Sveitarfélaginu Árborg. Til að ná fram hagræðingu og markvissari heildarsýn um málefni hópanna er lagt til að stofnaður verði einn starfshópur úr þessum þremur hópum með þremur kjörnum fulltrúum og starfsmönnum sem tengjast málaflokknum. Starfshópurinn geti kallað til sín hagsmunaaðila um einstaka málefni en markmiði og verkefni hópsins verði skýrt nánar í erindisbréfi.